- पंतप्रधान नरेंद्र मोदी यांच्या हस्ते 3 जानेवारी 2026 रोजी सकाळी 11 च्या सुमारला नवी दिल्लीतील राय पिथोरा सांस्कृतिक संकुलात भगवान बुद्धांच्या पवित्र पिप्रहवा अवशेषांच्या भव्य आंतरराष्ट्रीय प्रदर्शनाचे उद्घाटन होणार आहे.
या प्रदर्शनाचे नाव “द लाईट अँड द लोटस: रिलिक्स ऑफ द अवेकन्ड वन” असे आहे.
या प्रदर्शनाबद्दल अधिक माहिती खालीलप्रमाणे आहे:
- महत्त्व: शंभर वर्षांहून अधिक काळानंतर पिप्रहवा अवशेष मायदेशी परत आणले गेले आहेत. हे अवशेष बौद्ध धर्माच्या प्रारंभाच्या काळातील पुरातत्व अभ्यासासाठी अत्यंत महत्त्वाचे आहेत.
प्रदर्शन: या प्रदर्शनात नवी दिल्लीतील राष्ट्रीय संग्रहालय आणि कोलकात्याच्या इंडियन म्युझियममधील पुरातत्व साहित्य देखील प्रथमच एकत्र मांडले जाईल.
संकल्पना: प्रदर्शनात सांची स्तूपापासून प्रेरित एक मध्यवर्ती प्रारुप असेल, जिथे मायदेशी परत आणलेले आणि राष्ट्रीय संग्रहालयातील मूळ अवशेष एकत्र असतील.
इतर विभाग: यामध्ये ‘पिप्रहवाचा पुनर्शोध’, ‘भगवान बुद्धांच्या जीवनातील प्रसंग’, ‘मूर्तातील अमूर्त: बौद्ध शिकवणुकीची सौंदर्यात्मक भाषा’ आणि ‘सांस्कृतिक कलाकृतींचे प्रत्यावर्तन: एक निरंतर प्रयत्न’ अशा अनेक विषयांचा समावेश आहे.
हे प्रदर्शन भारताचा समृद्ध आध्यात्मिक आणि सांस्कृतिक वारसा जतन करण्याच्या पंतप्रधानांच्या वचनबद्धतेला अधोरेखित करते.
