💥 १९ डिसेंबरला देशात ‘राजकीय भूकंप’ आणि ‘मराठी माणूस पंतप्रधान’? पृथ्वीराज चव्हाणांचे खळबळजनक भाकीत!

NT NEWS 24 प्रतिनिधी मुंबई 

माजी मुख्यमंत्री आणि काँग्रेसचे ज्येष्ठ नेते पृथ्वीराज चव्हाण यांनी येत्या १९ डिसेंबर रोजी देशाच्या राजकारणात मोठा भूकंप होईल आणि भारताचा पंतप्रधान बदलून एक ‘मराठी माणूस’ पंतप्रधान होईल, असे खळबळजनक भाकीत केले आहे. विशेष म्हणजे ही व्यक्ती भाजपचीच असू शकते, असे त्यांनी सूचित केले आहे.

चव्हाणांच्या या दाव्याने महाराष्ट्राच्या आणि देशाच्या राजकीय वर्तुळात मोठी चर्चा रंगली आहे. त्यांनी आपला हा दावा सिद्ध करताना अमेरिकेत घडणाऱ्या एका महत्त्वपूर्ण आंतरराष्ट्रीय घटनेचा संदर्भ दिला आहे.

🌍 अमेरिकेतील ‘स्टिंग ऑपरेशन’ आणि भारतातील पडसाद

पृथ्वीराज चव्हाण यांनी आपल्या दाव्याच्या समर्थनार्थ अमेरिकेतील एका हाय-प्रोफाइल स्टिंग ऑपरेशनचा दाखला दिला.

काय आहे नेमका संदर्भ?

जेफ्री इस्फ्टीन प्रकरण: चव्हाण यांनी सांगितले की, अमेरिकेतील जेफ्री इस्फ्टीन नामक एक व्यक्ती जो इस्रायलचा गुप्तहेर होता. त्याने अनेक मोठे उद्योगपती, राजकारणी आणि आंतरराष्ट्रीय सेलिब्रिटींना ‘हनी ट्रॅप’मध्ये अडकवून त्यांचे स्टिंग ऑपरेशन केले आहे.

माहिती प्रकाशित होणार: अमेरिकेने या प्रकरणाची गंभीर दखल घेतली असून, ५० टक्के आरक्षण मर्यादेचा अडसर नसून १९ नोव्हेंबर रोजी याबाबत एक कायदा केला आहे. या कायद्यानुसार, येत्या १९ डिसेंबरला या प्रकरणाशी संबंधित सर्व नावे आणि २० जीबी डेटा प्रकाशित करण्यात येणार आहे.

दिग्गजांची नावे: यात अमेरिकेचे माजी राष्ट्राध्यक्ष बिल क्लिंटन, विद्यमान राष्ट्राध्यक्ष डोनाल्ड ट्रम्प, इस्रायलचे पंतप्रधान आणि इंग्लंडचे राजपुत्र यांच्यासह अनेक जागतिक दिग्गजांची नावे असल्याचे चव्हाण यांनी नमूद केले. अनेकांनी यात आपला सहभाग मान्य केल्याचेही त्यांनी सांगितले.

चव्हाण यांच्या मते, अमेरिकेच्या सोशल मीडियावर या प्रकरणावरून मोठी खळबळ माजली आहे आणि याचे पडसाद भारतीय राजकारणावर उमटण्याची शक्यता आहे.

👨‍🦱 भाजपचा मराठी माणूस पंतप्रधान होणार?

अमेरिकेतील या स्टिंग ऑपरेशनमुळे भारतीय राजकारणात मोठे उलथापालथ होईल, असा कयास चव्हाणांनी लावला आहे.

पृथ्वीराज चव्हाण म्हणाले, “अमेरिकेच्या सोशल मीडियावर बरंच काही चाललं आहे, त्याचा भारतीय राजकारणावर मोठा परिणाम होऊ शकतो. आमचा तर पंतप्रधान होऊ शकत नाही, कारण आमच्याकडे तसे संख्याबळ नाही. परंतु, कदाचित भारतीय जनता पक्षातील दुसरा कोणी मराठी माणूस पंतप्रधान बनू शकतो.”

या विधानामुळे भाजपच्या गोटातून कोणत्या मराठी नेत्याला पंतप्रधानपदाची संधी मिळू शकते, याबद्दल तर्कवितर्क लावले जात आहेत.

🛑 राजकीय वर्तुळात चर्चांना उधाण

माजी मुख्यमंत्र्यांसारख्या अनुभवी आणि गंभीर नेत्याने आंतरराष्ट्रीय घटनेचा थेट संबंध भारताच्या पंतप्रधानपदाच्या बदलाशी जोडल्याने या भाकिताला मोठे महत्त्व प्राप्त झाले आहे.

येत्या १९ डिसेंबरला अमेरिकेत काय प्रकाशित होते आणि त्याचे पडसाद भारतीय राजकारणावर किती गंभीर होतात, याकडे आता देशाचे लक्ष लागले आहे.

Author: Bhayyasaheb Kambale

NT NEWS 24